*~2015~日本沖繩4天悠遊閒之旅~OKINAWA~*

*~2015~日本沖繩4天悠遊閒之旅~OKINAWA~*

 

 

DAY 3

 

起身後我地就要Check out, 因為我地第3晚會入住另溫泉酒店~~

因為未夠鐘check in , 所以我地就去左泊港漁市場食野先~

 

 

由國際通去泊港都只係需要10分鐘車程, 而漁市場出面亦設有露天停車場~

 

泊車免費的

 

 

鐘意食鰻魚既朋友一定要試呀!! 好味道~! 醬汁好濃!!



漁市場最好就一早去, 因為新鮮D~

如果唔慣一早淨食生冷野, 因為市場內有得買熱湯同白飯~ 所以唔洗擔心呢! ^^

最後就返返去國際通買手信~ 大家可能會諗點解我日日都會落國際通, 係咪真係咁多野行??

其實係因為頭兩晚都係行左一陣, 同埋係睇定買咩~ 之後就留返第三天買!

星期六既國際通係好熱鬧, 佢地會封左條馬路, 變行人專用區。

 睇下D 小朋友玩得幾開心 ^^

街上仲有表演! 好熱鬧~









日本必食!!

紫薯味既薯條!! 卡樂B專門店即炸架!

 

 

買哂手信之後, 我地就出發去琉球溫泉瀨長島酒店, 沖繩既溫泉酒店唔多, 都係得幾間, 而呢間就係比較新既~ 我覺得唔錯呀!! 推介!!



  Check in 之後就即刻去浸溫泉喇!!男女分開的~ 環境好好!! 望海~ 有唔同既湯可以選擇~ 仲有兩間桑拿tim!



晚餐 - 懷石料理

 真係好好味呀!!! 又精緻又靚~


食完晚餐抖完一陣之後, 再浸!!



佢既早餐質素都唔錯~ 總括黎講, 呢間溫泉酒店我都覺得值得推介既!!

 

*~2015~日本沖繩4天悠遊閒之旅~OKINAWA~*

*~2015~日本沖繩4天悠遊閒之旅~OKINAWA~*

 

DAY 2

 

到了第二天, 一早起身就要去沖繩最出名的境點~沖繩美麗海水族館!!

由酒店出發到水族館需要兩小時的時間 (因為由島的南部到北部呀!!)



多款Lunch Box~

 

所以離開酒店之後, 我地就揸車出發!!
 

我地並無特別去餐廳慢慢嘆早餐, 而係選擇邊邊行邊搵!!

揸車沿路中, 見到有一間便當鋪, 就停低車,
入去買早餐^^
 

 

亦都有不同餡的飯團






最後我地揀左飯團~方便快捷又平又好味既早點~

 
日本有好多呢類型既便當店, 方便大家買完就拎上車食~ (火車站附近梗有一間係左緊!)








去水族館有兩條路可以選擇:
1: 下路 (普通路線)
2: 上路 (高速公路)

我地去程選擇左高速公路 (因為想快D可以去到^^"), 去Highway入口處先要拎飛, 因為完左highway之後要比錢架!

high way 道路劵



雖然兩小時既車程都係好長既時間, 但係沿路都有風景可以欣賞一下~
見到有海, 又停低影左幾張相~ (咁又唔洗屈住對腳咁耐^^)


我其實係好鐘意陽光與海灘, 但始終覺得沖繩既海都唔係好靚。




呢張就係第一日係OTS買定既水族館入場劵~1600yen 一張~

去到水族館之後, 因為早餐已經消化哂既關係, 所以第一時間並唔係玩...而係搵食! 搵左間快餐店買左碗烏冬...不過不太好味...

 





兩架戰機...

黎到沖繩咁出名既水族館, 大部分既遊客, 都應該係為左睇佢地喇~~~ 3條鎮店之寶!! 第一眼望到, 除左眼定左同"嘩"之外...根本就比唔到反應, 因為真係好好好好好大條呀....!!! 等同航空母艦一樣.......




魚仔: 哩埋先....

海豚劇場, 其實同香港既Ocean Park 就係無咩分別, 但係都要睇下既, 因為海豚真係好醒目可愛丫嘛~


 去完水族館之後, 就返返去南部喇~ 回程我地選擇走下路~ 唔行highway~ 會經過萬座毛~ 影左幾張相咁~

你地又睇唔睇得出似咩呢??????






回程時間....兩小時....( 同去程一樣?? )
建議大家可以考慮去程唔移highway 可以慳返d $$ XDDDD



晚上去了美國村......失望...坦白講D衫褲鞋袋我都覺得唔靚....所以行左一陣....同埋食左晚餐就走lu...






日式煎餃, 味道唔錯~!



美國村

甜品

 

*~2015~日本沖繩4天悠遊閒之旅~OKINAWA~*

*~2015~日本沖繩4天悠遊閒之旅~OKINAWA~*

Date: 24^th-27^th April 2015

DAY 1

由於大假有限, 所以今次選擇拎兩日Annual Leave 連埋星期六,日黎一個4天短途之旅~ Relax一下~

今次是第一次乘搭樂桃航空(Peach), 聽過朋友講Peach的坐位不好坐, 每排座位之間的距離很窄, 而今次我花兒, 仲帶埋花媽媽去, 所以本來都有點擔心, 但最後因為價錢吸引, 所以都選擇了, 還好的就是Peach比我想像中舒適! 所以這3小時30分鐘的航程就在睡夢中渡過J

 

在出發之前, 已經在OTS RENT-A-CAR租了車及WIFI~ 所以一落機就在那霸機場內的OTS Counter 報到~

之後工作人員就會帶我地上一架旅遊巴, 等齊一班租車的人後, 就會開車到市中心OTS的公司去攞車~

OTS Shuttle Bus, 往來機場大概10分鐘~

 

< 呢架車隻色好靚呀!! 當然….租金亦比一般貴啦~ 所以都係影得留念啦^^”

<< 呢架先係我租既~4日大約為港幣$1200左右~

OTS 內除左可以租車同WIFI之外, 仲有預售門票服務~為了方便, 我都預先買左水族館的入場劵~

 

拎車後首先返回酒店Check in & 放低行李先~

我地住既酒店叫: Hotel Tokyo Bizfort Naha , 由OTS過黎都只不過係10分鐘, 而我地架車可以泊去酒店對而的停車場~ (就在酒店後門對面)

停車場需付1000yen, 之後Check in 時同返酒店職員講, 佢就比張飛我(上面印有住宿日期), 之後就可以自由出入。

 

整頓完後, 就出左去國際通行街同埋食晚飯~

國際通就係一條比遊客買手信既街~ 因為距離酒店好近既關係,可以分開幾日行~ 所以我地第一晚都係略略行左一陣, 就去食飯~

成條街最出夠最多既餐廳就係食燒肉~ 沖繩既石垣牛同埋AGU豬, 基本上周街都有~

我地無預先Search定邊間, 所以邊行邊揀, 覺得多人, 鋪吸引就入左喇!!

 

 

 

 

 

食飽飽之後就周圍逛逛~ 你會發覺整條國際通都彌漫著幾種東西: 紫薯、海鹽、菠蘿、石垣牛..etc..

 

“衘菓子衘殿” 有多間分店, 單單係國際通都有好幾間,而呢間就最大間, 有好多唔同既菓子同蛋糕, 買手信就最岩。

 

 

沖繩出哂名盛產海鹽~呢間”鹽屋”售賣多種不同味道的海鹽,一碗碗放哂出黎,仲可以試味tim!!而我都買左d海鹽&雪鹽,同埋一d海鹽製造的餅乾~

買完海鹽之後,當然都要食飯杯海鹽雪糕啦!!!

 

試下味先~

海鹽雪糕只得牛奶味,不過鋪提供了多種不同味道既粉可以自己添加在雪糕上~

 

 

10時左右, 街上的商鋪陸陸續續關門,所以我地都準備返酒店休息lu~

 

 

 

P.S.: 有駕駛的朋友要注意呀!有些停車場10時就會關門,而我地泊車時無留意關門時間,10:3先返去佢地已經收工,好彩負責人留低等我地咋!! 所以真係唔好意思^^”